زمان واحنا اطفال كنا بنتعلم ان العسكر مهمتهم انهم يقبضوا علي الحرامية
ولما كبرنا شوية اتعلمنا ان الشرطة في خدمة الشعب
ولما بلغنا عرفنا ان الحرامية وصلوا للحكم واصبحوا هما العسكر !
وبعد كده عرفنا  ان الشعب والوطن في خدمة الشرطة
وطبعا الشرطة هيا الحكومة
والحكومة هم العسكر والعسكر اصلا كانوا حرامية
يبقي تلوقتي بيحكمنا عسكر وحراميا في آن واحد
وبالتالي اصبح العسكر والشعب في عداء مستمر
العسكر يبحثون عن المال ويسهلون الرشاوي ويظلمون وينتهكون
والشعب يريد العدل والامن والامان 
فأصبح السجن اللي في الأصل مكان للعسكر اللي هما الحرامية  مكان للشرفاء
واصبح رئيس الدولة  اللي بيقود مصالح الأمة  زعيم عصابة
واصبح ابنائوا اكبر مستغلين للبلد
واصبح حاشيته اكبر مستثمرين في البلد
وواحدة واحدة اصبح السجن ليس للشرفاء الرافضين علننا للوضع في مصر
بل اصبح مكان لأي شخص يرفض او يعترض حتي ولو في سره عن اي شيء يخص اي مسئول
تابع للحكومة   اي العسكر اي الحرامية !
واصبحت البلد مع مرور الوقت ملك لهم يفعلون بمن فيها ما يشائون
اي شخص يمشي  لا يعجبهم منظره   ارميه في السجن
اي شخص يمشي وفي يده شيء تريده العسكر
اما ان يأخذوا بالقوة   بالجبر والتهديد  
او يأخذوا غصب عنه ويترمي في السجن
وياريت الأمر اتعلق بالشعب فقط 
لكن الأمر وصل للقضاء اللي المفروض انه سلطة مستقلة
بيحكم بما يراه من ادلة   لكن اصبح حاليا بيحكم بما يراه مناسب للحكومة ولأمن الدولة
ام القانون مكانه في اقرب صفيحة زبالة
وارجع تاني واقول ياريت الأمر اقتصر علي المعارضين والعوام من المصريين والقضاء
لكن الأمر وصل الي السلطة الدينية بما فيهم الازهر والكنيسة
اصبح شيخ الأزهر شيخ منصر  واصبح  المفتي  رجل  التضليل الأول
واصبح   يصدر فتاوي لتضليل الرأي العام عن قضايا اهم يجب ان تشغل الرأي العام مثل بول النبي حلال ولا حرام
ولا اللي ماتوا وغرقوا في السواحل شهداء ولا لأ  وينسي اسباب الهجرة من البدايا
وحتي الكنيسة نجد الرجل الثاني فيها سكرتير البابا شنودة يقول ان جمال مبارك
افضل من يحكم مصر   
يبقي فاضل مين تلوقتي   
مفيش…….. احنا جمعنا كله    معارضين   عوام   قضاء   دين   
لذلك اقول ما قاله الأخرون ان ليس لمصر احد غير الله   وربنا يتولانا