السيد عماد اديب طالع يقول في  برامج القاهرة اليوم ان في تطورات اقتصادية حدثت في مصر في عهد الرئيس محمد حسني مبارك

وهي انجازات لا يمكن التغاضي عنها لأنها قذفت بالمجتمع المصري الي الأمام

ولكن وللأسف المعارضة شوهت انجازات مبارك  والشعب المصري ايضا تأثر بالمعارضة

ده اولا

ثانيا قال ان التغرات الأقتصادية  حدثت اولا في التضخم في البنوك 
ثانيا في ايه  تخيلوا في ايه   ايه هي الأنجازات اللي السيد عماد اديب شايفها من انجازات مبارك

العولمة 
ايوه العولمة ازي بقي
ان في عصر عبد الناصر كنا بننتظر ايام علشان نتكلم في التلفون
كان قليل اوي من يملك سيارة
سرعة الأنجازات  ايوه سرعة الأنجازات
وشوف كام واحد تلوقتي عنده تلفون محمول
والأسانسير انتشر قد ايه
والتلفزيون موجود في كل بيت
والثلاجة موجودة في كل بيت
وكل الناس بتتعلم

سبحان الله 
فعلا سبحان الله  هو ده مقياس التقدم 
ده كان يبقي مقياس تقدم لو كان خاص بالشعب المصري فقط  ولكن دي عولمة انتشرت في العالم كله سواء قبل او رفض

يا استاذ عماد ارجوك كف عن النفاق  انتا بتدعي انك شخص ليبرالي والليبرالية منك بريئة
هل لبراليتك لا تري ما يحدث في مصر للمصريين
هل لبراليتك لا تري ما يحدث من انتهاك للحريات  العامة والخاصة
هل لبراليتك لا تري البيروقراطية المصرية المنتشرة في كل المؤسسات المصرية بفضل الحكومة
هل لبراليتك لا تري المحسوبية التي افتعلتها حومتنا
هل لبراليتك لا تري دولتنا البولسية وقانون الطواريء والأرهاب الحكومي
لا تري انهاكات في اقسام الشرطة
لا تري تأخر في التعليم
لا تري امية ثقافية
لا تري لا تري لا تري لا تري لا تري
كفايا مجاملات يا استاذ عماد  لأن كلامك  صعب اوي انه يقولوا اطفال
حضرتك شايف ان سرعة الأتصال في التلفون من الانجازات الحكومية  يعني علي كده احنا لينا فضل علي السعودية والكويت ودول الخليخ ويمكن والله اعلم علي امريكا  اصل احنا اللي ابتكرنا السرعة العبقرية في الأتصال !
وحضرتك شايف اننا متقدمين بسبب وجود ثلاجة في كل بيت يا استاذ يا مثقف العبرة باللي في الثلاجة  مش في وجود الثلاجة فقط
وحضرتك شايف ان كل الناس بتعلم ازي بتعلم يا راجل يا متعلم   هل العبرة بأخذ شهادات ام تغيرات في السلوك
كفايا كفايا  بجد كفايا
ربنا يهديك ويهدينا